|

છેલ્લા 24 કલાકમાં ગુજરાતના 28 તાલુકાઓમાં વરસાદ, સૌથી વધુ વરસાદ ગોંડલમાં ખાબક્યો

રાજકોટ: ગુજરાતમાં ચોમાસાનું વિધિવત આગમન થઈ ગયું છે ત્યારે છેલ્લા 24 કલાકમાં ગુજરાતના 28 જિલ્લામાં વરસાદ નોંધાયો છે. હવામાન વિભાગના અહેવાલ મુજબ, છેલ્લા 24 કલાકમાં રાજકોટ જિલ્લાના ગોંડલ તાલુકામાં 132 મી.મી. એટલે કે 5 ઇંચ વરસાદ ખાબક્યો હતો. ગોંડલના દેરડી કુંભાજી, મોટી ખીલોરી, રાણસોકી, વિંઝીવડ, નાના સખપુર ગામોની સીમમાં ભારે વરસાદ નોંધાયો હતો.

પંચમહાલ જિલ્લાના જાંબુઘોડામાં 4 ઇંચ વરસાદ નોંધાયો હતો. જ્યારે અમરેલી જિલ્લાના બગસરામાં 3 ઈંચ વરસાદ અને ગીર સોમનાથના ઉનામાં અઢી ઈંચ વરસાદ નોંધાયો હતો. ભાવનગર જિલ્લાના પાલિતાણા ખાતે 60 મી.મી. વરસાદ નોંધાયો હતો.

ભારે વરસાદના કારણે નદીઓમાં નવા નીરની આવક શરૂ થઈ ગઈ છે તો ગુજરાતના અનેક જિલ્લાઓમાં વાવણી લાયક વરસાદ થતાં ખેડૂતોમાં ખુશી જોવા મળી રહી છે. જોકે ગુજરાતના હજુ ઘણાં તાલુકામાં વરસાદ પડ્યો નથી.

રાજ્યના અમરેલી જિલ્લાના સાવરકુંડલામાં 54 મી.મી. રાજકોટના ગોંડલમાં 51 મી.મી. અમરેલીના બાબરામાં 42 મી.મી. ડાંગના વઘઈમાં 41 મી.મી. જૂનાગઢના વિસાવદરમાં 40 મી.મી. દાહોદના ધનપુરમાં 39 મી.મી. મહેસાણાના બેચરાજીમાં 38 મી.મી. સાબરકાંઠાના પોસીનામાં 30 મી.મી. જામનગરના કાલાવડમાં 27 મી.મી, લાલપુરમાં 24 મી.મી વરસાદ નોંધાયો હતો.

Similar Posts

Leave a Reply

Your email address will not be published.