નવી દિલ્હીઃ પૂર્વ વિદેશ મંત્રી તથા ભારતીય જનતા પાર્ટીના વરિષ્ઠ નેતા સુષમા સ્વરાજે 1975માં સુપ્રીમ કોર્ટના વકીલ સ્વરાજ કૌશલ સાથે લગ્ન કર્યાં હતાં. સ્વરાજ કૌશલ ત્રણ વર્ષ સુધી મિઝોરમના ગર્વનર પણ રહ્યાં હતાં. તેમને એક દીકરી બાંસુરી છે. સુષ્મા તથા સ્વરાજને સંતાનમાં એક માત્ર દીકરી છે.
શું કરે છે દીકરી?
બાંસુરીએ ઓક્સફોર્ડ યુનિવર્સિટીમાંથી અભ્યાસ કર્યો છે. તેણે ટેમ્પલમાંથી કાયદાનો અભ્યાસ કરીને બેરિસ્ટરની ડિગ્રી લીધી હતી. તે પિતાની જેમ ક્રિમિનલ લોયર છે. તે દિલ્હી હાઈકોર્ટ તથા સુપ્રીમ કોર્ટમાં વકીલાત કરે છે.
બાંસુરી આ રીતે વિવાદમાં આવી હતી
બાંસુરીનું નામ મીડિયામાં ત્યારે આવ્યું હતું, જ્યારે ખુલાસો થયો હતો કે સુષ્મા સ્વરાજની દીકરી બાંસુરી આઈપીએલના પૂર્વ ચેરમેન લલિત મોદીની લિગલ ટીમમાં સામેલ હતી. લલિત મોદીએ એક ટ્વીટમાં પોતાની લિગલ ટીમને શુભેચ્છા પાઠવી હતી. આ ટ્વીટમાં લલિત મોદીએ જે નામો લખ્યાં હતાં, તેમાંથી એક બાંસુરી પણ હતી. કુલ આઠ લોકોની ટીમ હતી. જેમાં મહમૂદ અબ્દી, બાંસુરી સ્વરાજ, રોજરન ગ્રેસન, ડોક્ટર આર મરાઠા, બિયાંકા હેમરિચ, વેંકટેશ દોંદ, અભિષેક સિંહ તથા અંકુર ચાવલા.
