સીકરઃ કહેવત છે કે રામ રાખે તેને કોણ ચાખે. આ કહેવત રાજસ્થાનના સીકરના જીલો સ્ટેશન પર સાચી ઠરી હતી. સીકરના ‘નીમ કા થાના’ના જીલો રેલવે સ્ટેશન પર એક મહિલા માલગાડી નીચેથી પાટો ક્રોસ કરતી હતી અને આ સમયે માલગાડી ચાલવા લાગી હતી.
શું બન્યું?
મહિલા જ્યારે માલગાડીની નીચેથી પાટો ક્રોસ કરવા જતી હતી ત્યારે અચાનક માલગાડી ચાલવા લાગી હતી. મહિલા ડરીને પાટા પર સીધી સૂઈ ગઈ હતી. મહિલા પરથી એક પછી એક એમ 23 ડબ્બા પસાર થયા પરંતુ તે મહિલાને ઘસરકો સુદ્ધાં પડ્યો નહોતો. મહિલાનું નામ માલીદેવી છે. તે દયાલના નાંગલની રહેવાસી છે.
રેલવે નથી કરી કાર્યવાહીઃ
માલગાડી પસાર થયા બાદ લોકોએ માલીદેવીને સંભાળી હતી અને રેવાડી-ફુલેરા જતી ટ્રેનમાં બેસાડી હતી. હાલમાં રેલવેએ આ મામલે અત્યાર સુધી કોઈ કાર્યવાહી કરી નથી.
