કકડીને ભૂખ લાગી છે? તો બનાવો આ ચાટ, પાંચ મિનિટમાં થઈ જશે તૈયાર

અમદાવાદઃ વેકેશનમાં બાળકો ઘરે તોફાન-મસ્તી કરતા હોય છે અને નાસ્તામાં કંઈક ને કંઈક ડિમાન્ડ કરતા હોય છે. હવે રોજ રોજ નાસ્તામાં શું આપવું? આજે અમે એકદમ હેલ્થી ચાટ લઈને આવ્યા છીએ. જે માત્ર પાંચ મિનિટમાં જ બની જશે. તો આજે નાસ્તામાં બનાવો સિંગદાણાની ચાટ

સામ્રગીઃ
– એક બાઉલ બાફેલી મગફળીના દાણાં
– અડચી ચમચી લાલ મરચું પાઉડર
– અડચી ચમચી ચાટ મસાલો
– એક ચમચી ગ્રીન ચટણી
– એક નંગ સમારેલી ડુંગળી
– બે ચમચી સમારેલા ટામેટાં
– બે બાફેલી ચમચી મકાઈ
– એક ચમચી કાચી કેરીનું છીણ
– બે ચમચી દાડમ
– એક નંગ બાફેલું બટાકું
– એક ચમચી લીંબુનો રસ
– એક ચમચી સમારેલી કોથમીર
– સ્વાદાનુસાર મીઠું

રીત:
1. એક બાઉલમાં બાફેલી સિંગ લઈ, તેમાં લાલ મરચું પાઉડર, ચાટ મસાલો અને ગ્રીન ચટણી ઉમેરી મિક્સ કરી લો.
2. હવે તેમાં સમારેલી ડુંગળી, સમારેલા ટામેટાં, બાફેલી મકાઈ અને કાચી કેરીનું છીણ લઈ મિક્સ કરી લો. હવે તેમાં દાડમ, બાફેલા બટાકાંના ટુકડા, લીંબુનો રસ, સમારેલી કોથમીર અને સ્વાદાનુંસાર મીઠું ઉમેરી મિક્સ કરી.
3. તો તૈયાર છે ફટાફટ બની જતી પીનટ ચાટ.
4. હવે આ ચાટને બાઉલમાં લઈ દાડમના દાણાં અને કોથમીરથી ગાર્નિશ કરી સર્વ કરો