પીપલોદના ઇસ્કોન મોલમાં સ્પાની આડમાં ચાલતા કુટણખાના પર સુરત પોલીસ મિસિંગ સેલની રેડ પડતા ભાગદોડનો માહોલ ઉભો થયો હતો. પોલીસે 5 લલના અને 2 ગ્રાહક સહિત એક સંચાલક અને એક માલિકની કરી ધરપડક કરી આગળની તપાસ હાથ ધરી છે.
કેવી રીતે પકડાયું કુટણખાનું
પોલીસે જણાવ્યું હતું કે, રેડ બાતમીના આધારે પાડવામાં આવી હતી. બ્રાન્ડેડ શો રૂમવાળા મોલમાં સ્પાની આડમાં કુટણખાનું ચાલી રહ્યું હોવાનું અને ગ્રાહકો પાસે પૈસા ખંખેરાય રહ્યા હોવાનું જાણવા મળતા આયોજન કરી તમામને રંગેહાથે પકડી પાડવા પોલીસે ગુપ્ત રેડ કરી હતી.
સંચાલક અને શોપ માલિકની પણ ધરપકડ કરી
મિસિંગ સેલના પીઆઈ જી.એ.પટેલની બાતમીના આધારે કરાયેલી રેડમાં 5 લલના ઝડપાઈ ગઈ હતી. પોલીસે હાલ સંચાલક અને શોપ માલિકની પણ ધરપકડ કરી છે. યુવતીઓ ક્યાં દેશ કે રાજ્યની છે એની તપાસ હાથ ધરી છે.
કેટલા સમયથી આ ધંધા સાથે સંકળાયેલી છે, ક્યાં થી આવી છે. કોના હસ્તે એટલે કે રેફરન્સથી સુરત લવાય છે એ તમામ બાબત તપાસનો વિષય છે.
