Head Tag: Body Tag:

TV એક્ટ્રેસ મોનાલિસાએ ખરીદી મોંઘીદાટ લક્ઝુરિયસ કાર

મુંબઈ: ભોજપુરી ફિલ્મો બાગ મોનાલિસાને હાલમાં જ એક નવી કાર ખરીદી છે. આ અભિનેત્રી સોશિયલ મીડિયામાં બહુ જ એક્ટિવ રહે છે તો નવી કાર ખરીદી તે પણ જાણકારી તેણે સોશિયલ મીડિયામાં પોસ્ટ કરીને આપી હતી.

મોનાલિસા અને તેના પતિ વિક્રાંસ સિંહ રાજપૂતે ઓડી Q7 ખરીદી છે. જેની કિંમત અંદાજે 85 લાખ રૂપિયા છે. આ અંગેની જાણકારી અભિનેત્રીએ સોશિયલ મીડિયા પર વીડિયો પોસ્ટ કરીને આપી છે. આ વીડિયોમાં પોતાની કારને જોઈને મોનાલિસા અને તેનો પતિ ખૂબ ખુશ જોવા મળી રહ્યા છે. વીડિયોમાં પતિ-પત્ની બંને કાર કવર હટાવતા ખુશીથી તાળીઓ પાડી રહ્યા છે.

આ વીડિયો પોસ્ટ કરીને મોનાલિસાએ લખ્યું હતું કે, ‘સપનાઓ સાચેમાં સાકાર થાય છે’. સાથે જ તેણે આ માટે ભગવાનનો આભાર પણ માન્યો. આ વીડિયો જોઈને અભિનેત્રીના ચાહકો પણ તેને શુભેચ્છા પાઠવી રહ્યા છે.

મોનાલિસાની પોપ્યુલારિટી તેના સોશિયલ મીડિયા ફોલોવર્સ પરથી જાણી શકાય છે. અભિનેત્રીના ઈન્સ્ટાગ્રામ પર બે મિલિયન ફોલોવર્સ છે. 50થી વધારે ભોજપુરી ફિલ્મોમાં કામ કરી ચૂકેલી મોનાલિસાએ બોલિવુડમાં ફિલ્મ બ્લેકમેલથી ડેબ્યૂ કર્યું હતું. આ ફિલ્મમાં તેની સાથે અજય દેવગણ અને સુનીલ શેટ્ટી જેવા સ્ટાર્સ લીડ રોલમાં હતા.

Leave a Reply

Your email address will not be published.