વરસાદમાં જીભને થાય છે ચટપટુ ખાવાનો ચટાકો, તો આજે જ બનાવો દહીં ભીંડી

અમદાવાદઃ વરસાદમાં ચટપટું ખાવાની ઈચ્છા થાય તે સ્વાભાવિક છે. તો આજે તમારી આ ઈચ્છા પૂર્ણ કરવા માટે અમે લઈને આવ્યા છીએ દહીં ભીંડી.

સામ્રગીઃ
200 ગ્રામ ભીંડા (લાંબા સમારેલા)
1 ડુંગળી (બારીક સમારેલી)
1 ટૂકડો આદુ (પીસેલું)
1 કપ દહીં
2 ચમચી બેસન
1 ચમચી ગરમ મસાલો
1/2 ચમચી હળદર
1/2 ચમચી લાલ રમચું
મીઠું સ્વાદ મુજબ
તેલ
2 ચમચી ઘી
1 ચમચી જીરું
2 લાલ સૂકા મરચા
કોથમીર (બારીક સમારેલી)

રીતઃ
1. કઢાઈમાં બે ચમચી તેલ લઈને તેમાં કાપેલી ડુંગળી તથા ભીંડા નાખો. ત્યારબાદ મીઠું નાખો અને ધીમી આંચ પર ચઢવા દો. કઢાઈ ઢાંકીને રાખો.
2. થોડીવાર બાદ ભીંડા સોફ્ટ થવા લાગે એટલે ઢાંકણું ખોલી નાખો અને ભીંડાને મધ્યમ આંચ પર ચઢવા દો.
3. ભીંડા બ્રાઉન રંગના થાય ત્યાં સુધી ચઢવા દો. (જો વધુ વાર લાગે તો થોડું તેલ તથા થોડો ચણાનો લોટ નાખો)
4. ભીંડા ચઢી જાય તો કઢાઈમાંથી કાઢીને એક બાજુ મૂકો.
5. હવે, કઢાઈમાં દહીંમાં બેસન, આદુ, ગરમ મસાલો, હળદર, મરચું નાખો અને 1/4 પાણી નાખીને બરોબર હલાવો. આંચ મધ્યમ રાખવી. દહીં ઉકળવા લાગે એટલે થોડીવારમાં આંચ ધીમી કરી દો.
6. દહીં જાડું થઈ જાય એટલે તેમાં ભીંડા ઉમેરીને બરોબર મિક્સ કરો.
7. સર્વિંગ બાઉલમાં દહીં ભીંડી કાઢો લો.
8. વઘારિયામાં ઘીનો વઘાર મૂકો. વઘાર આવે એટલે જીરું, સૂકું મરચું નાખો. આ વઘાર દહીં ભીંડમાં નાખી દો અને ઉપર કોથમીર ભભરાવો.
9. તૈયાર છે દહીં ભીંડી