પ્રાણીને પ્રેમ કરતાં ઘણાં લોકોને તમે જોયા હશે, પણ અમુક જ લોકો એવા હોય છે જે પ્રાણીને પોતાના પરિવારના સભ્ય માનતાં હોય છે અને તેની સારસંભાળ પોતાના બાળકની જેમ રાખે છે. આવો જ એક કિસ્સો આંધ્રપ્રદેશના કૃષ્ણા જિલ્લામાંથી સામે આવ્યો છે. અહીં એક પરિવાર ગાયને પોતાની દીકરીની જેમ રાખે છે અને તેના વાછરડાને પણ સગા દીકરા જેવો પ્રેમ કરે છે. આ પરિવારનો પ્રેમ જોઈ દરેકને એવું લાગે છે કે, આ તેમના ખુદનું સંતાન છે.
મછલીપટ્નમમાં રહેતાં આ પરિવારે પહેલાં પોતાની ગાય ગર્ભવતી થતા તેના શ્રીમંતનું આયોજન કર્યું હતું. હવે વાછરડાનો જન્મ થયાં પછી પોતાના પરિવારના બાળકો જેમ તેના પણ નામકરણના સમારોહનું આયોજન કર્યું છે.
આ સાથે જ આસપાસના લોકોને આમંત્રિત કરી તેમના આ ખાસ અવસર પર જમાડ્યા પણ હતાં. કોઈ ગાયના શ્રીમંત અને તેના વાછરડાના નામકરણ સમારોહ રાખવાનું સાંભળી લોકોને ખૂબ જ વિચિત્ર લાગચું હતું. પણ પોતાની ગાયને ખૂબ જ પ્રેમ કરનારા આ પરિવારને લોકોની વાતોથી કોઈ ફેર પડતો નથી.
આ અનોખા નામકરણ સમારોહનો એક વીડિયો પણ સામે આવ્યો છે. જેમાં પરિવારે વાછરડાને હિંચકામાં બેસાડ્યો છે અને તેને ખૂબ જ પ્રેમથી કોઈ માણસના બાળકની જેમ હીંચકા ખવડાવ્યા હતાં. આ ખાસ વાછરડાનો જન્મ એક મહિના પહેલાં થયો હતો.
તેલુગુ રીતિ-રિવાજ મુજબ, એક મહિનાની અંદર બાળકોને હીંચકામાં બેસાડી તેનું નામકરણ કરવામાં આવે છે અને આ રીતે જ વાછરડાંને ઝૂલામાં બેસાડવામાં આવ્યો હતો. વીડિયોમાં વાછરડું પણ કોઈ બાળકની જેમ મજા લઈને ખુદને પ્રેમ કરતો જોવા મળે છે. સમારોહમાં સામેલ દરેક લોકો પણ તેને જોઈને ખુશ હતાં.
? Wow, this blog is like a fantastic adventure blasting off into the universe of wonder! ? The mind-blowing content here is a captivating for the mind, sparking awe at every turn. ? Whether it’s inspiration, this blog is a goldmine of exciting insights! #AdventureAwaits ? into this thrilling experience of discovery and let your imagination roam! ? Don’t just read, savor the excitement! ? Your mind will be grateful for this thrilling joyride through the dimensions of endless wonder! ?