વડોદરાઃ વડોદરામાં છેલ્લાં થોડાં દિવસોથી વરસાદ સતત વરસી રહ્યો છે. વડોદરાવાસીઓ માટે માત્ર પૂર જ નહીં પણ મગરો પણ આફત બનીને આવ્યા છે. હજી પણ આગામી 24 કલાકમાં ભારેથી અતિ ભારે વરસાદની આગાહી કરવામાં આવી છે. વિશ્વામિત્રી નદીની સપાટીમાં સતત ઘટાડો થઈ રહ્યો છે. હાલની પરિસ્થિતિમાં નીચાણવાળા વિસ્તારમાં પાણી ભરાઈ જવાથી પીવાના પાણી તથા ભોજનની તકલીફ પડી રહી છે. જો માણસોની આ હાલત હોય તો મૂંગા અબોલ જીવ એવા પશુઓની સ્થિતિ અંગે તો વિચારી જ શકાય તેમ નથી. જોકે, હજી પણ માનવતા છે. હાલમાં જ વડોદરામાં કૂતરા તથા ગાય જેવા પ્રાણીઓને લોકો દૂધ અને પાણી આપીને મદદ કરતા જોવા મળ્યાં હતાં.
Lovely, very cool