Friday, May 10, 2024
Google search engine
HomeSports10 IPL ટાઈટલ જીતનાર 2 દિગ્ગજ કેપ્ટનના યુગનો અંત... એક હટાવ્યો, બીજાએ...

10 IPL ટાઈટલ જીતનાર 2 દિગ્ગજ કેપ્ટનના યુગનો અંત… એક હટાવ્યો, બીજાએ ચોંકાવ્યા

MS Dhoni and Rohit Sharma: ઈન્ડિયન પ્રીમિયર લીગ (આઈપીએલ) 2024 સીઝન પહેલા આવા બે ફેરફારો જોવા મળ્યા છે, જેણે રમત જગતના દિગ્ગજો સહિત ચાહકોને આશ્ચર્યચકિત કર્યા છે. આ બે ફેરફારોને કારણે હવે IPLમાં બે દિગ્ગજ કેપ્ટનના યુગનો અંત આવી ગયો છે. આ બંને ફેરફારોમાં અલગ વાત એ છે કે એક કેપ્ટનને હટાવી દેવામાં આવ્યો છે, જ્યારે બીજાએ ખુદ કેપ્ટનશિપ છોડીને દિગ્ગજોને ચોંકાવી દીધા છે.

અમે વાત કરી રહ્યા છીએ મુંબઈ ઈન્ડિયન્સ (MI)ના રોહિત શર્મા અને ચેન્નાઈ સુપર કિંગ્સ (CSK) ટીમના અનુભવી ખેલાડી મહેન્દ્ર સિંહ ધોનીની. આ બંનેએ પોતાની કપ્તાનીમાં મુંબઈ અને ચેન્નાઈ માટે 5-5 વખત ખિતાબ જીત્યા છે. એટલે કે અત્યાર સુધીની 16 સિઝનમાં આ બંને કેપ્ટન 10 વખત ચેમ્પિયન બન્યા છે.

રોહિતે 2013 થી 2023 સુધી પોતાની કેપ્ટન્સીમાં 5 વખત મુંબઈ ટીમને ટાઈટલ જીતાડ્યું છે. જ્યારે ધોનીએ પ્રથમ સિઝનમાં એટલે કે 2008થી 2023 દરમિયાન ચેન્નાઈની ટીમને 5 વખત ચેમ્પિયન બનાવી છે. પરંતુ IPL 2024ની સિઝન પહેલા મુંબઈની ટીમે 36 વર્ષીય રોહિતને કેપ્ટનશિપ પરથી હટાવીને 30 વર્ષના ઓલરાઉન્ડર હાર્દિક પંડ્યાને કમાન સોંપી દીધી છે.

બીજી તરફ 42 વર્ષના ધોનીએ પોતે કેપ્ટનશીપ છોડી દીધી હતી. તેણે પોતે 27 વર્ષના ઓપનર ઋતુરાજ ગાયકવાડને કમાન સોંપી છે. પંડ્યાએ અગાઉ 2022ની સિઝનમાં ગુજરાત ટાઇટન્સને તેની કેપ્ટનશિપમાં ચેમ્પિયન બનાવ્યું હતું. જ્યારે તે 2023 સીઝનની ફાઇનલમાં પહોંચી હતી. પરંતુ ગાયકવાડ IPLમાં પ્રથમ વખત કેપ્ટનની ભૂમિકામાં જોવા મળશે.

મુંબઈની ફ્રેન્ચાઈઝીએ ટ્રેડ દ્વારા પંડ્યાને પોતાની ટીમમાં સામેલ કર્યો અને કેપ્ટનશિપ સોંપી. બીજી તરફ ચેન્નાઈની ટીમે 2019માં ગાયકવાડને ખરીદ્યો હતો. ત્યારથી તે CSK માટે જ રમી રહ્યો છે. ગાયકવાડ ચેન્નાઈ ટીમના ચોથા કેપ્ટન હશે. આ પહેલા ધોની 212 મેચમાં ચેન્નાઈ ટીમની કેપ્ટનશીપ કરી ચૂક્યો છે. જ્યારે જાડેજાએ 8 મેચમાં અને રૈનાએ 5 મેચમાં કેપ્ટનશિપ કરી હતી.

2013 થી 2023 સુધી તેની કપ્તાની હેઠળ, રોહિતે 5 વખત (2013, 2015, 2017, 2019 અને 2020) મુંબઈ ટીમને ખિતાબ જીતાડ્યો છે. આ સમયગાળા દરમિયાન રોહિતે IPLમાં 158 મેચોમાં મુંબઈ ઈન્ડિયન્સની કેપ્ટનશિપ કરી હતી. જેમાં મુંબઈની ટીમે 87 મેચ જીતી હતી જ્યારે 67 મેચમાં તેને હારનો સામનો કરવો પડ્યો હતો અને 4 મેચ ટાઈ રહી હતી.

ધોનીની કપ્તાનીમાં ચેન્નાઈની ટીમ આઈપીએલ ઈતિહાસમાં અત્યાર સુધી 12 વખત પ્લેઓફ માટે ક્વોલિફાઈ થઈ છે. આ સમયગાળા દરમિયાન CSK ટીમ 10 વખત ફાઈનલ રમી હતી, જેમાંથી ટીમ 5 વખત ટાઈટલ જીતવામાં સફળ રહી હતી. ચેન્નાઈની ટીમે 2010, 2011, 2018, 2021 અને 2023 સીઝનમાં આ તમામ ખિતાબ જીત્યા છે.

RELATED ARTICLES
- Advertisment -
Google search engine

Most Popular

Recent Comments