મુંબઈ: મહારાષ્ટ્રમાં ચોમાસાની શરૂઆત થઈ ગઈ છે. શુક્રવારે વહેલી સવારથી જ મુંબઈમાં સારો વરસાદ પડી રહ્યો હતો. ભારે વરસાદના કારણે ઘણાં વિસ્તારોમાં પાણી પણ ભરાઈ ગયા હતા અને ટ્રાફિક જામના દ્રશ્યો પણ જોવા મળ્યાં હતાં. વરસાદના કારણે મુંબઈના તાપમાનમાં પણ ઘટાડો નોંધાયો હતો.
#MumbaiRains #rainswithtraffic pic.twitter.com/U5OJlAUzOt
— Deepak Goswami (@deepakjgoswami) June 28, 2019
સૂત્રોના જણાવ્યા પ્રમાણે અંધેરી, ધારાવી, વસઈ, કાંદિવલી, બોરિવલી સહિત ઘણાં વિસ્તારોમાં પાણી ભરાઈ ગયા હોવાની ફરિયાદ સામે આવી છે. આ ઉપરાંત મુંબઈના એરપોર્ટ પાસે વિઝિબિલિટી ઓછી થઈ ગઈ છે. અત્યારે એરપોર્ટ પરની વિઝિબિલિટી 700 મીટરની આસપાસ છે. તેના કારણે ઉડાનમાં તકલીફ પડી રહી છે. આ દરમિયાન 40 કિમી પ્રતિ કલાકની સ્પીડથી પવન ફૂંકાઈ રહ્યો છે.
CST road, Santacruz East.#MumbaiRains pic.twitter.com/oGcvEfhqzM
— devarshi (@devarshimankad) June 28, 2019
ગુરુવારે સ્કાઈમેટનો અંદાજ હતો કે, આગામી 48 કલાકમાં મુંબઈમાં 100 મિમી સુધીનો વરસાદ થશે. ચોમાસુ જુલાઈના પહેલા સપ્તાહમાં દિલ્હી સુધી પહોંચી જશે.
Maharashtra: Traffic crawls on Western Express Highway as Mumbai receives heavy rainfall. pic.twitter.com/gk5JmvBCo7
— ANI (@ANI) June 28, 2019
મહારાષ્ટ્રના તટીય વિસ્તારો મુંબઈ, ઠાણે, રત્નાગીરિ અને આસપાસના વિસ્તારોમાં આગામી 36 કલાકમાં ભારે વરસાદની આગાહી વ્યક્ત કરવામાં આવી છે. આ માટે બીએમસીએ દરેક ઝોન માટે ટ્વીટર હેન્ડલ બનાવ્યા છે. જેમાં લોકો પોતાના વોર્ડને લગતી સમસ્યાઓ જણાવી શકે છે.