શું તમે ક્યારેય ટોઇલેટ પર બેસીને કમોડમાંથી સાપ નીકળવાના ડરનો સામનો કર્યો છે? આવું જ કંઈક એરિઝોનાની એક મહિલા સાથે થયું છે. વાસ્તવમાં, 4 દિવસની રજા વિતાવ્યા પછી, જ્યારે મહિલા તેના ઘરે આવી ત્યારે તે ટોઇલેટમાં ગઈ હતી. જોકે, તેને કલ્પના નહોતી કે તે ટોઇલેટમાં કંઈક એવું જોશે જે તેના હચમચાવી દેશે. મહિલાએ કમોડમાં એક વિશાળ કાળો સાપ જોયો. સાપને જોયા બાદ મહિલા સ્તબ્ધ થઈ ગઈ હતી. આ ઘટના 15મી જુલાઈની છે. આ મહિલાનું નામ મિશેલ લેસ્પ્રોન હતું.
લેસ્પ્રોને જણાવ્યું કે, તે ચાર દિવસ માટે બહાર ગઈ હતી. જ્યારે તે ઘરે પાછી આવી ત્યારે તેને ટોઇલેટ જવાની જરૂર લાગી. જેવી તે ટોઇલેટમાં ગઈ અને કમોડનું ઢાંકણું ઊંચક્યું તો તેણે કાળો સાપ જોયો. લેસ્પ્રોને સાપને ભગાડવાનો પ્રયાસ કર્યો. પરંતુ તે આમ કરી શકી નહીં પછી સવારે તેણે પેસ્ટ કંટ્રોલ કંપની રેટલસ્નેક સોલ્યુશનને ફોન કર્યો અને સાપને દૂર કરવા કહ્યું.
કોમોડ હોલમાં સાપ ફસાઈ ગયો હતો
આ ઘટનાનો વીડિયો પણ વાયરલ થઈ રહ્યો છે, જેમાં સાપને કમોડમાં ફસાયેલો જોઈ શકાય છે. કર્મચારીએ કમોડમાં હાથ નાખીને સાપને બહાર કાઢ્યો. એકવાર તેને લાગ્યું કે જાણે કોઈ સાપ તેને કરડશે. જોકે, આવું થયું નથી. કર્મચારીએ એક હાથથી સાપને બહાર કાઢ્યો, જ્યારે બીજા હાથે સેલફોન પકડીને વીડિયો રેકોર્ડિંગ કરતો રહ્યો. પકડાયેલા સાપની લંબાઈ 3થી 4 ફૂટની વચ્ચે માપવામાં આવી છે. કર્મચારીએ સાપને પકડીને દૂરના ખાલી જંગલમાં છોડી દીધો.
AP: Snakes on a plane? More like snake in a drain.
An Arizona woman came home to this slithery creature in her toilet after many days away and she was not pleased. pic.twitter.com/zcTNnAOGhr
— Mooha Swartz (@CyberAnonymous) August 11, 2023
કોચવ્હિપ પ્રજાતિનો હતો સાપ
ઉલ્લેખનીય છે કે જે સાપને પકડી લેવામાં આવ્યો છે અને તે કોચવ્હિપ પ્રજાતિનો હોવાનું જણાવવામાં આવ્યું હતું. કોચવ્હિપ સ્મૂથ, સ્લિમ અને ઝડપથી રખડતા સાપ છે. આ સાપ સામાન્ય રીતે દક્ષિણ-પશ્ચિમ અમેરિકાના રણમાં જોવા મળે છે.