જ્યોર્જિયાઃ લોરેન મુલવિહિલ એક મહિલા ડ્રાઈવર છે. થોડાં સમય પહેલાં જ તેને હોસ્પિટલમાંથી ફોન આવ્યો હતો કે તેણે 89 વર્ષના વૃદ્ધ રોનાલ્ડ ડેબનરે તેમના ઘરે મૂકવા જવાના છે. લોરેન જ્યારે રોનાલ્ડને લઈ તેના જ્યોર્જિયા સ્થિત ઘરે જતી હતી ત્યારે તેને આશા હતી કે વૃદ્ધનો પરિવાર તેને આવકારશે પરંતુ આવુ કંઈ જ થયું નહીં.
સોશિયલ મીડિયા પર કરી અપીલઃ
લોરેન આ વૃદ્ધને એકલા મૂકવા માગતી નહોતી. આથી જ તેણે સોશિયલ મીડિયા પર રોનાલ્ડની મદદ માટે એક ગ્રૂપ બનાવ્યું હતું. તેના પર લખ્યું હતું, ‘મેં રોનાલ્ડના ઘરને સાફ કરવાનો પ્રયાસ કર્યો પરંતુ હું સિંગલ મધર છું અને મારા બાળકો વધુ સમય એકલા રહી શકે તેમ નથી. રોનાલ્ડને મદદની જરૂર છે પરંતુ તે બદલામાં કંઈ જ આપી શકે તેમ નથી. આ સિવાય તેને ડરે છે કે કોઈ તેની પાસેથી તેનું ઘર છીનવી ના લે.’ આ ગ્રૂપના 800 લોકોએ આખા ઘરની સફાઈ કરી અને રિપેર પણ કર્યું. આ સિવાય રોનાલ્ડના ઘરે જરૂરી વસ્તુઓ પણ મૂકી. રોનાલ્ડ આનાથી ઘણો જ ખુશ છે અને તેણે મદદ કરનાર લોકોનો આભાર માન્યો છે. તેણે કહ્યું હતું કે લોરેન તેને ઘરની બહાર ઉતારીને જતી રહી શકી હોત પરંતુ તે અંદર સુધી મૂકવા આવી અને ઘરની ખરાબ પરિસ્થિત જોઈને મદદ પણ કરી. તે આ વાત ક્યારેય નહીં ભૂલે.
