અમદાવાદ: ‘ચાર-ચાર બંગળીવાળી ગાડી…’ સોંગથી ગુજરાત સહિત દેશ-વિદેશમાં લોકપ્રિયતા મેળવનાર કિંજલ દવેની ફેન ફોલોઈંગ દિવસે ને દિવસે વધતી જાય છે. આ સુપરહિટ ગીત બાદ કિંજલ દવેએ ‘અમે લહેરી લાલા’, ‘ભૈલુ હાલ્યા જાનમાં’ અને ‘મોજમાં રે મોજમાં’ જેવા સુપરહિટ સોંગ્સ આપ્યાં છે.
આ બધાં સોંગ બાદ હવે કિંજલ દવેનું ‘ગરવી ગુજરાત’ પર વધુ એક સોંગ રિલીઝ થયું છે. ‘ધન છે ગુજરાતની ધરતી’ ટાઈટલ હેઠળ રિલીઝ થયેલા આ સોંગ ચાહકોને ખૂબ જ પસંદ આવી રહ્યું છે.
યુ-ટ્યુબમાં 18મેએ રિલીઝ કરાયેલા આ સોંગની લોકપ્રિયતાનો અંદાજ તે વાત પરથી જ લગાવી શકાય છે કે, આ ગીતને 48 કલાકમાં જ 21 લાખથી વધારે વ્યૂ મળી ચૂક્યા છે. 5 મીનિટના આ ગીતમાં સમગ્ર ગુજરાતની આખી ઝલક જોવા મળે છે.
કિંજલ દવેના આ સોંગને સૌરભ ગજ્જર અને કિંજલ દવેના પિતા લલિત દવેએ ડિરેક્ટ કર્યું છે. જ્યારે ગીતના શબ્દો મનુ રબારી અને આનંદ મેહરાએ લખ્યા છે. આ ઉપરંત સંગીત મયુર નદિયાએ આપ્યું છે.
આ ગીતનું શૂટિંગ અસારવા ગામ અને એક રેસ્ટોરાંમાં કરવામાં આવ્યું છે. આ ઉપરાંત તેમાં લો ગાર્ડન, માણેકચોક, અડાલજની વાવ સહિતની અલગ-અલગ જગ્યાના સુંદર દ્રશ્યો જોવા મળે છે.
કિંજલ દવેનું નવું સોંગ સાંભળવા માટે અહીં ક્લિક કરો…
