Britain PM Rishi Sunak visited AksharDham Temple: બ્રિટનના વડાપ્રધાન ઋષિ સુનક તેમની પત્ની અક્ષતા મૂર્તિ સાથે આજે (10 સપ્ટેમ્બર) દિલ્હીના અક્ષરધામ મંદિર પહોંચ્યા હતા. સ્વામિનારાયણ મંદિરના મુખ્ય પૂજારીએ બંનેનું સ્વાગત કર્યું અને પછી મુખ્ય મંદિરમાં લઈ જઈ પૂજા અર્ચના કરી હતી.
ઋષિ અને તેમની પત્ની 45 મિનિટ સુધી મંદિરમાં રોકાયા હતા. જો કે તેમના મંદિર દર્શનની તસવીરો હજુ સુધી સામે આવી નથી, પરંતુ એવું કહેવામાં આવી રહ્યું છે કે તેમણે મુખ્ય મંદિરની પાછળ આવેલ અન્ય મંદિરમાં જલાભિષેક કર્યો હતો.તેમની સુરક્ષા માટે મંદિરની અંદર અને બહાર સઘન વ્યવસ્થા કરવામાં આવી હતી.
સુનકે કહ્યું- મને હિંદુ હોવાનો ગર્વ છે
સુનકે શનિવારે 9 સપ્ટેમ્બરે અક્ષરધામ મંદિરની મુલાકાત લેવાની વાત કરી હતી. ન્યૂઝ એજન્સી ANI સાથેની વાતચીતમાં તેમણે કહ્યું- મને હિન્દુ હોવા પર ગર્વ છે. આ રીતે મારો ઉછેર થયો છે અને હું આ રીતે છું. મેં રક્ષાબંધનની ઉજવણી કરી. સમયના અભાવે હું જન્માષ્ટમી ઉજવી શક્યો નહીં. પરંતુ આશા છે કે મંદિરમાં દર્શન કરીને આની ભરપાઈ થઈ જશે. વિશ્વાસ જ આપણને શક્તિ આપે છે.
સુનક જી-20 સમિટમાં ભાગ લેવા ભારત આવ્યા છે. બ્રિટનના વડાપ્રધાન બન્યા બાદ આ તેમની પ્રથમ ભારત મુલાકાત છે.
બ્રિટિશ PM શાળાના બાળકોને મળ્યા, પત્ની ફૂટબોલ રમ્યા હતા
8 સપ્ટેમ્બરે, G20 સમિટના એક દિવસ પહેલા, બ્રિટિશ વડાપ્રધાન ઋષિ સુનક અને તેમની પત્ની અક્ષતા મૂર્તિએ બ્રિટિશ કાઉન્સિલ હેડક્વાર્ટર ખાતે સ્થાનિક શાળાના કેટલાક બાળકો સાથે થોડો સમય વિતાવ્યો હતો. તેમની સાથે વાતચીત કરી અને સુનકની પત્ની અક્ષતા ફૂટબોલ પણ રમ્યા હતા.
કોણ છે ઋષિ સુનક?
ઋષિ સુનક (43) ઓક્ટોબર 2022માં બ્રિટનના વડાપ્રધાન બન્યા હતા. સુનક બ્રિટનના પ્રથમ ભારતીય મૂળના અને બિન-શ્વેત વડાપ્રધાન છે. સુનક ભારતીય સોફ્ટવેર કંપની ઈન્ફોસિસના સહ-સ્થાપક એનઆર નારાયણ મૂર્તિના જમાઈ છે. અક્ષતા નારાયણ મૂર્તિની પુત્રી છે.
ઋષિ સુનકના માતા-પિતા પંજાબના હતા, જેઓ વિદેશમાં સ્થાયી થયા હતા. સુનકનો જન્મ 12 મે 1980ના રોજ હેમ્પશાયર, બ્રિટનમાં થયો હતો. ઋષિએ અમેરિકાની સ્ટેનફોર્ડ યુનિવર્સિટીમાંથી એમબીએ કર્યું અને ઓક્સફોર્ડ યુનિવર્સિટીમાંથી રાજકારણ, ફિલોસોફી અને અર્થશાસ્ત્રનો અભ્યાસ કર્યો હતો.
રાજનીતિમાં જોડાતા પહેલા ઋષિએ ઇન્વેસ્ટમેન્ટ બેંક ગોલ્ડમેન સાક્સ અને હેજ ફંડ્સમાં કામ કર્યું હતું. આ પછી તેણે એક ઇન્વેસ્ટમેન્ટ ફર્મ પણ સ્થાપી. તેમના માતા ઉષા ફાર્માસિસ્ટ હતા. સુનકના પિતા યશવીર ઓક્સફર્ડ અને સ્ટેનફોર્ડ યુનિવર્સિટીમાંથી ગ્રેજ્યુએટ છે.