અમદાવાદઃ બટાકાનું શાક નાનાથી માંડી મોટેરાઓને ઘણું જ પ્રિય હોય છે. આજે અમે તમારી માટે લઈને આવ્યા છીએ લસણિયા બટાકાનું શાક કેવી રીતે બનાવાય તેની રેસિપી.
સામગ્રી:
– 500 ગ્રામ બટાકા (નાની સાઇઝના)
– 50 ગ્રામ લસણ
– આદુનો ટુકડો
– 2-3 લીલા મરચાં
– અડધી ચમચી રાઇ
– એક ચમચી જીરૂ
– ચપટી હીંગ
– અડધી ચમચી હળદર
– એક ચમચી ધાણા પાવડર
– એક ચમચી લાલ મરચાનો પાવડર
– 50 ગ્રામ શેકેલી મગફળીનો ભૂકો
– એક ચમચી તલ
– જરૂર પ્રમાણે મીઠું, તેલ
– લાલ સુકા મરચાં
– તમાલપત્ર
– કોથમીર
રીત:
1. બટાકાને બાફીને છાલ ઉતારી નાખો.
2. લસણ અને આદુની પેસ્ટ બનાવો. તપેલીમાં તેલ ગરમ કરી તેમાં રાઇ, જીરૂ નાખો.
3. જીરૂં તતડી જાય ત્યારબાદ તેમાં હીંગ, લાલ સુકા મરચાં, તમાલપત્ર, ધાણા પાવડર અને આદુ-લસણની પેસ્ટ નાખી હલાવો.
4. ત્યારબાદ તેમાં મગફળીનો ભૂકો, તલ, લાલ મરચા પાવડર, મીઠું તથા હળદર નાખી બરોબર મિક્સ કરો.
5. તેમાં બારીક સમારેલા લીલા મરચાં અને બાફેલા બટાકા અને એક કપ પાણી નાખી હલાવો.
6. લગભગ 3-4 મિનિટ રાખી ગેસ પરથી ઉતારી લો. ઉપરથી કોથમીર નાખી ગાર્નિશ કરો અને ગરમ ગરમ પરોઠા સાથે સર્વ કરો.
