આણંદઃ વડાપ્રધાન, કેપ્ટન વિરાટ કોહલી, ઉદ્યોગપતિ મહિન્દ્વા, રણવીરસિંહ, અનુષ્કા શર્મા, બોમન ઈરાની સહિત અનેક દિગ્ગજોએ જેમના ફોટા ટ્વીટ કર્યાં તે 87 વર્ષીય ચારૂલત્તાબહેન પટેલ મૂળ ચરોતરના પેટલાદના સુણાવ ગામના રહેવાસી છે.
તેઓએ વર્લ્ડકપની સેમિફાઈનલ, ફાઈનલ સહિત ભારતની તમામ મેચોનું એડવાન્સ બુકીંગ કરાવી દીધું હતું. તેઓ વ્હીલચેરમાં બેસીને ગાલ પર ભારતીય ધ્વજનું ચિન્હ લગાવીને પીપુડુ વગાડતાં ભારતીય ક્રિકેટ ટીમનો જુસ્સો વધારવા સ્ટેડિયમમાં પહોંચી જાય છે. ભારતની ટીમ તમામ મેચો જીતે અને વર્લ્ડકપ મેળવે તેવી ભગવાનને પ્રાર્થના કરે છે.
MUST WATCH: What happened when 87-year old Mrs. Charulata Patel met @ImRo45 & @imVkohli? ???? – by @RajalArora
Find out here https://t.co/LErOOjsfs1 pic.twitter.com/Ka0zMxosso
— BCCI (@BCCI) July 3, 2019
ઈન્ડિયાના ફેન લંડનના ક્રોયડનમાં રહેતાં ચારૂલતાબહેન પટેલનો પુત્ર યોગીનભાઇ પટેલ વિદ્યાનગરમાં રહે છે. તેમણે જણાવ્યું હતું કે, વિશ્વમાં ગમે તે સ્થળે ક્રિકેટ મેચ રમાતી હોય ત્યારે મારી માતા ટીવી સામે ગોઠવાઈ જાય છે. કયા વર્ષે કઈ ટીમ અને કયા બેટ્સમેન કેટલા રન કે બોલરની વિકેટો, પરિણામ સહિત તમામ મેચોની માહિતી ઉપલબ્ધ છે.
હવે ફોન આવતાં તે હવે ચોપડામાં લખતાં નથી. 10 વર્ષ પહેલા થાપાનું હાડકું તુટી ગયું હોવાથી તેઓ વ્હીલચેરમાં ફરે છે. છતાં પણ તેઓ ઈંગ્લેન્ડના તમામ ક્રિકેટ સ્ટેડિયમમાં મેચ જોવા માટે પહોંચી જાય છે. બર્મિંગહામમાં ટીમ ઈન્ડિયાને જોશ પૂરું પાડવા માટે લંડનથી રાત્રે 12 કલાકે કારમાં બેસીને પાંચ કલાકની મુસાફરી કરીને પહોંચી ગયાં હતાં.
કેપ્ટન વિરાટ કોહલી પેવેલિયનમાં બેસીને મેચ નિહાળી રહ્યાં હતાં. ત્યારે લાઈવ ટેલિકાસ્ટ દરમિયાન પીપુડુ વગાડીને ટીમ ઈન્ડિયાનો જુસ્સો વધારી રહેલા ચારૂલતાબેનને સ્ક્રીન પર જોયા હતાં. જેથી કોહલી તેમની પાસે આવ્યો હતો. તેમની સાથે વાતો પણ કરી હતી. ત્યારે ચારૂલતાબેને માથા પર હાથ મુકીને ભારતીય ટીમ વર્લ્ડકપ જીતે તેવા આર્શીવાદ આપ્યાં હતાં.
#WATCH 87 year old Charulata Patel who was seen cheering for India in the stands during #BANvIND match: India will win the world cup. I pray to Lord Ganesha that India wins. I bless the team always. #CWC19 pic.twitter.com/lo3BtN7NtD
— ANI (@ANI) July 2, 2019