અમદાવાદઃ આર્થિક રાશિફળ 2020 પ્રમાણે, નવા વર્ષમાં એવી પાંચ રાશિઓ છે, જેના નસીબમાં મોટું પરિવર્તન આવશે. આર્થિક રીતે આ પાંચ રાશિઓને બમ્પર ધનલાભ મળી શકે તેમ છે. આ પાંચ રાશિના લોકોને નવા વર્ષમાં ભૌતિક સુખ-સુવિધા મળશે.
મેષ: વર્ષ 2020માં મેષ રાશિના જાતકો આર્થિક રીતે સદ્ધર બનશે. નોકરી-વેપાર કરનારની આવકમાં વધારો થશે. પરિવારના સ્વાસ્થ્યમાં ધન ખર્ચ થઈ શકે છે. જો કોઈ આર્થિક સંકટ હશે તો તેમાંથી બહાર આવશો.
કન્યા: વર્ષ 2020માં તમારી નાણાકિય સ્થિતિ મજબૂત બનશે. આ વર્ષે તમે ધનની બચત કરી શકશો. તમે નવું વાહન, ઘર કે પછી અન્ય પ્રોપર્ટી ખરીદી શકશો. સંબંધીઓ તમારી પાસેથી આર્થિક મદદની આશા રાખશે અને તમે એ આશા પર ખરા ઉતરશો.
ધન : ધન રાશિના જાતકો ટૂંક સમયગાળામાં કરેલાં રોકાણથી ફાયદામાં રહેશે. પૈસાની બાબતમાં આ જાતકોએ કોઈ પર વધુ વિશ્વાસ ના કરવો. પૈસાને લઈ ચાલતા વિવાદમાં નિર્ણય તમારા તરફી આવશે. આ વર્ષે તમે ધનની બચત કરવામાં સફળ રહેશો.
કુંભ : આ રાશિના જાતકો માટે વર્ષ 2020નું વર્ષ શુભ સંકેત આપી રહ્યાં છે. આ વર્ષે તમારી આવકની વૃદ્ધિ થશે. એકથી વધુ સ્ત્રોતમાંથી ધન મળશે. જૂનથી નવેમ્બર સુધી તમને આર્થિક નિર્ણય લેવામાં તકલીફ પડશે નહીં. આર્થિક રીતે મનગમતું ફળ મળશે.
મીન : 2020માં આર્થિક રીતે તમારા માટે આ વર્ષ લાભદાયી રહેશે. આ વર્ષે તમે લાંબાગાળાનું રોકાણ કરી શકશો. જો તમારા પૈસા ક્યાંક અટવાયેલા હશે તો આ વર્ષે પરત આવશે. વિદેશી વેપરમાં સારો નફો થશે.
