નવી દિલ્હી: વર્લ્ડકપની 34મી મેચમાં માન્ચેસ્ટરના ઓલ્ડ ટ્રેફોર્ડ ખાતે ભારતે વેસ્ટ ઇન્ડિઝને 125 રને પરાજય આપ્યો છે. આ હાર સાથે જ વેસ્ટ ઈન્ડિઝની ટીમ સેમિફાઈનલની રેસમાંથી બહાર થઈ ગઈ છે. તેમના 7 મેચમાં 1 જીત અને 1 નો રિઝલ્ટ સાથે માત્ર 3 પોઈન્ટ છે. બીજી તરફ ભારતના આ જીત સાથે 6 મેચમાં 11 પોઈન્ટ છે. જ્યારે બાકીની ત્રણમાંથી એક મેચ જીતીને સેમિફાઈનલમાં પોતાનું સ્થાન નિશ્ચિત કરી લેશે. ભારત ટૂર્નામેન્ટમાં અપરાજિત રહેનાર એક માત્ર ટીમ છે.
India remain unbeaten in #CWC19!
A brilliant bowling performance bundles out #MenInMaroon for 143 in 34.2 overs to seal a 125-run win.
All the highlights on the official app ⬇️
APPLE ? https://t.co/VpYh7SIMyP
ANDROID ? https://t.co/cVREQ16w2N pic.twitter.com/6rw5AoBm3c— ICC (@ICC) June 27, 2019
269 રનનો પીછો કરતાં વેસ્ટ ઈન્ડિઝની ટીમ 143 રનમાં ઓલઆઉટ થઈ હતી. ઓપનર સુનિલ એમ્બરિસના 31 રન સિવાય અન્ય કોઈ બેટ્સમેન 30 રનનો આંક વટાવી શક્યું ન હતું. મોહમ્મદ શમીએ ક્રિસ ગેલ અને શાઈ હોપને આઉટ કરીને વિન્ડીઝના બેટિંગ લાઈનઅપની કમર તોડી નાખી હતી. તેણે 4 વિકેટ ઝડપી હતી. જ્યારે જસપ્રીત બુમરાહ અને યુઝવેન્દ્ર ચહલે 2-2 વિકેટ લીધી હતી.