નોકરી ન મળવાના કારણે યુવાઓ પશુપાલન તરફ આગળ વધ્યા છે. રાજસ્થાન ભારતનું પહેલું એવું રાજ્ય છે જ્યાં સૌથી વધુ દૂધનું ઉત્પાદન થાય છે.
નાગૌર પાસેના રોલ ગામના પાંચ ભાઈઓએ 1996-97માં પશુપાલનની શરૂઆત કરી હતી અને આજે તેમની પાસે 210 ગાય અને ભેંસ છે. આ કામ તે 25 વર્ષથી વધુ સમયથી કરી રહ્યો છે. એટલું જ નહીં દૂધ સિવાય ઘી, પનીર અને દહીં બનાવવાનું પણ કામ કરે છે.
પશુપાલક પુખરાજ દીદેલે જણાવ્યું હતું કે, બાસની ગામના બે ભાઈઓ હાજી મોહમ્મદ અમીન અને હાજી કાસમ કાશ્મીરીને જોઈને તેમણે પશુપાલન શરૂ કર્યું હતું. જ્યારે કામ શરૂ થયું ત્યારે ત્યાં 20 ભેંસ અને 10 ગાયો હતી. હાલ તેમની પાસે 140 ભેંસો છે. જેમાં મુરા, સુરતી, જાફરાબાદી સહિત અનેક જાતની ભેંસો છે. ઉપરાંત તેમની પાસે 70 ગાય છે.
પુખરાજ દીદેલે જણાવ્યું હતું કે, હાલ સવાર-સાંજ સાડા છ ક્વિન્ટલ દૂધનું ઉત્પાદન થાય છે. આવી સ્થિતિમાં તેઓ દરરોજ 42000 રૂપિયાનું દૂધ વેચે છે.
આ સિવાય તેઓને દરરોજ આશરે 30 હજાર રૂપિયા જેટલો ખર્ચ પણ થાય છે. સાથે જ વર્ષમાં ખર્ચને બાદ કરતા તેઓ 12થી 13 લાખ રૂપિયાની કમાણી કરે છે. પુખરાજે કહ્યું કે, અહીં 20થી વધુ લોકો જાનવરોની દેખભાળ માટે કામ કરે છે.
