બોલિવૂડ એક્ટ્રેસ સેલિના જેટલી અને ફરદીન ખાન વચ્ચેના અફેરની ચર્ચા ઘણા વર્ષો પહેલા થઈ હતી. સેલિના પર આરોપો પણ લગાવવામાં આવ્યા હતા કે તે દીકરા ફરદીન ખાન અને તેના પિતા ફિરોઝ ખાન સાથે સૂઇ ગઇ હતી. ત્યારબાદ સેલિનાએ આ આરોપો લગાવનાર પાકિસ્તાની પત્રકારને પણ જોરદાર જવાબ આપ્યો હતો. આ કેસમાં હવે સેલિનાએ ખુલાસો કર્યો છે કે વિદેશ મંત્રાલયે આ મુદ્દો પાકિસ્તાન હાઈ કમિશન સમક્ષ ઉઠાવ્યો છે અને તપાસની માંગ કરી છે. સેલિનાએ ટ્વિટર પર એક લાંબી નોંધમાં સમાચાર શેર કર્યા અને વિદેશ મંત્રાલયે રાષ્ટ્રીય મહિલા આયોગ (NCW)ને મોકલેલા પત્રની તસવીર પણ પોસ્ટ કરી હતી.
આ વર્ષની શરૂઆતમાં પાકિસ્તાની પત્રકાર ઉમૈર સંધુએ એક ટ્વીટમાં લખ્યું હતું કે, “સેલિના જેટલી બોલિવૂડની એકમાત્ર અભિનેત્રી છે જે પિતા (ફિરોઝ ખાન) અને પુત્ર (ફરદીન ખાન) બંને સાથે ઘણી વખત સૂઈ છે.” સેલિનાએ ટ્વીટનો જવાબ આપ્યો હતો. દિવંગત અભિનેતા ફિરોઝ ખાને સેલિનાને તેના પુત્ર ફરદીન સાથે તેના હોમ પ્રોડક્શન ‘જાનશીન’માં મોટો બ્રેક આપ્યો, જે 2003માં રિલીઝ થઈ હતી.
ફિરોઝ ખાન અને ફરદીન ખાન સાથે સેલિના જેટલીના સંબંધો
સેલિના જેટલીએ રવિવારે લખ્યું હતું કે , ‘થોડા મહિના પહેલા પાકિસ્તાનના એક પત્રકાર, ઉમૈર સંધુએ મારા વિશે ખોટા ભયાનક દાવાઓ સાથે ટ્વિટર પર વાયરલ કર્યા છે જેમાં મારા માર્ગદર્શક ફિરોઝ ખાન અને ફરદીન બંને સાથેના મારા સંબંધો અંગે આક્ષેપો કરવામાં આવ્યા હતા. આ સિવાય તેણે ઓસ્ટ્રિયામાં મારી અને મારા પરિવારની સુરક્ષાને નિશાન બનાવીને અનેક દાવા કર્યા હતા.
સેલિનાએ કાર્યવાહી કરી
સેલિનાએ આગળ લખ્યું કે ‘ઉમૈરે પોતાનું લોકેશન ઓનલાઈન બદલ્યું છે, પરંતુ તે પાકિસ્તાનમાં છુપાયેલો છે’. ત્યારબાદ તેણીએ આ મામલાને રાષ્ટ્રીય મહિલા આયોગ (NCW) પાસે લઈ જવાનું નક્કી કર્યું અને કમિશને તેની ફરિયાદને ધ્યાનમાં લીધી અને વિદેશ મંત્રાલયના સંયુક્ત સચિવને પત્ર મોકલ્યો. મંત્રાલયે આ ઘટનાને ગંભીરતાથી લીધી છે અને વધુ તપાસ અને કાર્યવાહીની માંગ કરી છે.
પાકિસ્તાન સંપૂર્ણ સમર્થન આપી રહ્યું છે
સેલિનાએ એ પણ શેર કર્યું કે ઉમૈર સામેની તેની લડાઈ માત્ર તેના પાત્ર પરના હુમલા સામે જ નથી, પરંતુ તે તેના પરિવાર અને સૌથી વધુ તેના ગોડફાધર ફિરોઝ ખાન પર પણ હુમલો છે, જેઓ હવે નથી. સેલિનાએ NCW માટે એક નોંધ પણ લખી અને તેમનો આભાર માન્યો હતો.
