મુંબઈઃ મુંબઈમાં ગોવંડી રેલવે સ્ટેશન પર એક ભિખારીનું લોકલ ટ્રેનની ટક્કરથી શુક્રવાર (4 ઓક્ટોબર) ના રોજ નિધન થયું હતું. રેલવે પોલીસ જ્યારે ભિખારીના પરિવારજનોની શોધમાં તેના ઘરે ગઈ ત્યારે તેના હોશ ઉડી ગયા હતાં.
કેમ ચોંકી ગઈ
રેલવે પોલીસ જ્યારે ભિખારીની ઝૂંપડીમાં ગઈ ત્યારે બોરીઓ તથા થેલીઓ મળી હતી, જેમાં બે લાખ રૂપિયાના સિક્કા તથા રોકડ હતી. પોલીસને આ સિક્કા ગણવામાં આઠ કલાક જેટલો સમય થયો હતો.
આટલું જ નહીં ભિખારીના ઘરમાંથી પાસબુક મળી આવી હતી, જેમાં આઠ લાખ 77 હજાર રૂ. જમા છે. ભિખારીનું નામ ચંદ આઝાદ છે. તે મુંબઈની લોકલની ટ્રેનમાં ભીખ માગતો હતો.શુક્રવારે રેલવે લાઈન ક્રોસ કરતાં સમયે ટ્રેનની ટક્કરથી તેનું નિધન થયું હતું. રેલવે પોલીસને તેની ઝૂંપડીમાંથી આધાર કાર્ડ, પેનકાર્ડ તથા સીનિયર સિટિઝન કાર્ડ મળ્યું છે, જેના પર રાજસ્થાનનું એડ્રેસ છે.ભિખારીના પડોશીઓએ કહ્યું હતું કે ચંદ આઝાદ સાથે તેનો પરિવાર પણ રહેતો હતો પરંતુ પછી તેનો પરિવાર જતો રહ્યો હતો અને તે ભીખ માગીને ગુજરાન ચલાવતો હતો.હાલમાં પોલીસે પૈસાને પોતાની અન્ડરમાં રાખ્યા છે અને આધારકાર્ડ પર રહેલા એડ્રેસ પર પરિવારના સભ્યોને શોધવા માટે રાજસ્થાન ગઈ છે.
