ઈસ્લામાબાદઃ ભારત-પાકિસ્તાન વચ્ચે હાલમાં સ્થિતિ ઘણી જ તણાવગ્રસ્ત છે. આનાથી વિપરિત દુબઈ રહેતા મૂળ ભારતીય બિઝનેસમેને પાકિસ્તાનના દક્ષિણ-પૂર્વ સિંધ પ્રાંતના અત્યંત ગરીબ વિસ્તારમાં 62 હેન્ડ પંપ લગાવ્યા. આટલું જ નહીં અનાજ પણ વહેંચ્યું હતું. મીડિયા રિપોર્ટ્સ પ્રમાણે, જોગિંદર સલારિયાએ સોશિયલ મીડિયા દ્વારા થારપરકર જિલ્લાની કરૂણ સ્થિતિ જાણ્યાં બાદ સ્થાનિક કાર્યકર્તાઓની મદદથી 62 હેન્ડ પંપ લગાવ્યા હતાં.
અનાજ પણ મોકલાવ્યું
1993થી સંયુકત અરબ અમીરાતમાં રહેતા જોગિંદરે આ જીલ્લામાં અનાજ પણ મોકલાવ્યું છે. તેઓ દુબઈમાં ટ્રાન્સપોર્ટના ધંધામાં જોડાયેલા છે. તેમણે કહ્યું હતું કે ફેસબુક તથા યુ ટ્યૂબ દ્વારા તેઓ પાકિસ્તાનના સ્થાનિક કાર્યકર્તાઓ સુધી પહોંચ્યા હતાં. તેમનો સંપર્ક સાધીને આર્થિક મદદ કરી હતી. વધુમાં જોગિંદરે કહ્યું હતું કે પુલાવામા ઘટના બાદ ભારત-પાકિસ્તાન વચ્ચે તણામ ચરમ સીમા પર હતો. ત્યારે તેઓ પાકિસ્તાનના ગરીબ ગામમાં હેન્ડ પંપ લગાવતા હતાં.
