દિલ્હી સ્થિત મહિલાના શોષણ મામલે ગુજરાત કેડરના આઈએએસ દહિયાને હાલ સસ્પેન્ડ કરી દેવામાં આવ્યા છે. ગુજરાતના સીએમ વિજય રૂપાણીના આદેશ બાદ આઈએએસ ગૌરવ દહિયાને સસ્પેન્ડ કરી દેવામાં આવ્યા છે. તપાસ સમિતીના રિપોર્ટ બાદ આઈએએસ ગૌરવ દહિયા વિરુદ્ધ આ કાર્યવાહી કરવામાં આવી છે.
દિલ્હી સ્થિત મહિલાના શોષણ મામલે આઈએએસ દહિયા પોલીસની સતત નોટિસોની અવગણના કરી રહ્યા હતા. અત્યાર સુધી ગાંધીનગર પોલીસે તેઓને હાજર થવા માટે ત્રણ-ત્રણ નોટિસ નોકલી છે જોકે તમામ નોટિસોની દહિયાએ અવગણના કરી હતી.
મહત્વની વાત છે કે, પોલીસે ગૌરવ દહિયાને ચાર વખત નોટીસ મોકલી છે. જો આ વખતે દહિયા પોલીસ સમક્ષ હાજર નહીં થાય તો પોલીસ તેમની સામે ગુનો નોંધશે. આ અંગે પોલીસ એસ.પી.ને રિપોર્ટ કરશે.
ગયા અઠવાડિયે સરકારે રચેલી તપાસ કમિટી સમક્ષ ગૌરવ દહિયા હાજર થયા હતાં. જ્યાં દહિયાની છથી સાત કલાક મેરેથોન પુછપરછ કરવામાં આવી હતી. જોકે દહિયા પોલીસ સમક્ષ હાજર થતાં નથી. તે સિવાય અગાઉ અહીંથી પોલીસે દિલ્હી જઈને મહિલાનું નિવેદન પણ લીધું હતું.
