Wednesday, June 26, 2024
Google search engine
HomeBollywoodભવ્ય ગાંધીના પિતાનું કોરોનાથી નિધન, છેલ્લાં 10 દિવસથી વેન્ટિલેટર પર હતા

ભવ્ય ગાંધીના પિતાનું કોરોનાથી નિધન, છેલ્લાં 10 દિવસથી વેન્ટિલેટર પર હતા

નોંધનીય છે કે મુંબઈ રહેતાં ભવ્ય ગાંધીના પિતા વિનોદ ગાંધીને થોડાક દિવસ કોરોનાનો ચેપ લાગ્યો હતો. તબિયલ વધુ લથડતા બાદમાં તેમને કોકિલાબેન અંબાણી હોસ્પિટલમાં દાખલ કરવામાં આવ્યા હતા. અહીં તેઓ 9 દિવસ સુધી મોત સામે ઝઝૂમ્યા હતા. અંતે આજે તેઓ જિંદગીની બાજી હારી ગયા હતા અને અંતિમ શ્વાસ લીધા હતા. ભવ્ય ગાંધીના પિતા વિનોદ ગાંધી બિઝનેસ કરતાં હતા. ભવ્યના પરિવારમાં માતા યશોદા ગાંધી અને મોટોભાઈ નિશ્ચિત ગાંધી છે.

ઉલ્લેખનીય છે કે ‘તારક મહેતા કા ઉલ્ટા ચશ્મા’માં ખૂબ જ ફેમસ થઈ ગયા બાદ વર્ષ 2017માં ભવ્ય ગાંધીએ સીરિયલ છોડી દીધી હતી. ત્યાર બાદ તેણે ગુજરાતી ફિલ્મોમાં કામ કરવાનું શરૂ કર્યું હતું. તેણે સૌ પ્રથમ વર્ષ 2017માં ‘પપ્પા તમને નહીં સમજાય’, ત્યાર બાદ ‘બાપ કમાલ દીકરો ધમાલ’, ‘બઉ ના વિચાર’ જેવી ફિલ્મોમાં કામ કર્યું છે.

ભવ્ય ગાંધીએ તારક મહેતા કા ઉલ્ટા ટીવી સીરિયલમાં વર્ષ 2008થી જ કામ કરવાનું શરૂ કર્યું હતું. આ સમયે તે દસ વર્ષનો હતો અને પાંચમા ધોરણમાં ભણતો હતો. હવે જ્યારે તેણે સીરિયલ છોડવાનો નિર્ણય કર્યો છે ત્યારે તે B.Comના બીજા વર્ષમાં છે અને મીઠીબાઈ કોલેજમાં અભ્યાસ કરે છે.

ભવ્ય ચૂસ્ત જૈન છે અને જિંદગીમાં તેણે ક્યારેય કંદમૂળ ચાખ્યાં નથી. સિરિયલના શૂટિંગ દરમ્યાન પણ તે આ વાતનું ધ્યાન રાખતો. પયુર્ષણ પર્વ દરમ્યાન ચોવિહાર અને એકાસણા જેવી ભાવના તે રાખતો અને પાળતો પણ ખરો. ભવ્યનાં માસી, તેની કઝિન સિસ્ટર અને નાનીમા સહિત કુલ ત્રણ લોકોએ દીક્ષા લીધી છે. ભવ્ય ગાંધી જ્યારે તારક મહેકા કા ઉલ્ટા ચશ્મા ટીવી સીરિયલ કરતો હતો ત્યારે તેની એક મહિનાની કમાણી 2.25 લાખ રૂપિયા હતી.ટપુસેનામાં સૌથી વધારે મેહનતાણું ભવ્ય ગાંધીને મળતું હતું. ભવ્ય ગાંધીએ સીરિયલ સાથે ફિલ્મોમાં પણ કામ કર્યું હતું. તેણે વર્ષ 2010માં આવેલી સ્ટ્રાઈકર ફિલ્મમાં સુર્યકાંતનો લીડ ચાઈલ્ડનો રોલ કર્યો હતો.

RELATED ARTICLES

1 COMMENT

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments

You cannot copy content of this page